محمد كامل يكتب.. "باك تو سكوول"
بوابة العاصمة
بوابة العاصمة
بوابة العاصمة
بوابة العاصمة بوابة العاصمة
الصفحة الرئيسية

آخر الأخبار

 
   مقالات  

محمد كامل يكتب.. "باك تو سكوول"


اضيف بتاريخ : 25/09/2016 الساعة : 9:37:38

أرشيفية
محمد كامل

تمر السنين ونسترجع ذكريات الطفولة وخصوصًا أيام المدارس، كانت الأسوأ لدى البعض لما فيها من التزامات وطلبات، ولكن بمرور الزمن تًرسم الضحكة الصافية، على عكس الأفضل عند البعض الآخر نظرا للحماس للتجربة والتعرف على أصدقاء جدد.

 

فاكرين أيام المدارس زمان !

كنا ننزل قبل الدراسة بيومين عشان نشترى اللبس والزمزمية والشنطة اللي هنروح بيها

اكتر حاجة تهتم بيها القلم السنون والبراية والأستيكة أم ريحة "فراولة" وناكل نصها

كنا نستنى العيش الفينو اللي هيتعمل بيه الساندوتشات..

وخصوصا لو سخن بناخد واحد فـ السكرته

والتبديل مع صاحبي اللي في الديسك لو مامته عاملاله لانشون أو بسطرمة

يُعتبر كده "ابن ذوات"

الدحيح اللي ماكنش بيطيقك لو انت زي حالتنا.. واللي كان أنتيمك لو انت بنظارة وشاطر

أول حب طفولي بريء.. لما تحب البنت وياه لو اكتشفت انها بتحب واحد في فصل تاني

كنت بتسمع محمد محيي وفؤاد والهضبة وتلبس القميص مش مكوي وكأنك متدمر

الإجازة كانت إجازة فعلا ويااه ع كم الفرحة وإن الكمبيوتر هيتفتح :D

والبلاي ستيشن هينزل من فوق الدولاب

كل ده حاجة وأغنية يا حلو صبح يا حلو طل على الراديو حاجة تاني..

وياااه لو شغاله ع التي في ولا أجدعها كليب

تحية العلم وصوت الطبلة والناظر يقول اتحرك ع الفصول "معتدل ماااارش"

دعواتنا لما نقول يااارب المدرس رائد الفصل يطلع طيب

وياه لو ربنا رزقك بواحد يستقصدك علشان تاخد عنده درس..

ولو انت بتكرهه أوي تروح تبلغ عنه المدير انه بيدي دروس

إملاء وطلبات كام كشكول وكام ورقة وكام جلاد وننزل نجيبهم بالجملة

ساندوتشات بتتاكل في نص الحصة واسمك يتكتب على السبورة

وكل ده علشان نسيب الواجب نعمله ف الفسحة ونروح نلعب براحتنا

أيام جميلة وبريئة..

كانت أقصى همومنا امتحانات الشهر، ولما نجيب درجات وحشة وإمضاء ولي الأمر اللي كنا بنزوّرها <3


مدارس ذكريات طفولة

  أهم الأخبار  

اليوم.. حفل إفطار جماعي لحفظة القرآن الكريم بالغربية

الاتحاد السكندري يلتقي نظيره تيليكوم الجيبوتي في البطولة العربية

العاصفة المدارية "ميكونو" تتحول إلى إعصار من الدرجة الأولى

"الكنيست" يوافق على اقتراح "الاعتراف بمذابح الأرمن"

ارتفاع أسعار المعدن النفيس مع تراجع الدولار

308 سفينة عبرت قناة السويس خلال 6 أيام

 عدد المشاهدات: 11811

 تعليقات الفيس بوك

 

  • اقــــرأ أيــــضا
  • الأكثر قراءة





   
  فيديوهات العاصمة