لمياء عبد الحميد لبوابة العاصمة: سر الفوازير مع والدي.. ونفسى برامجى كل الناس تتابعها
بوابة العاصمة
بوابة العاصمة
بوابة العاصمة
بوابة العاصمة بوابة العاصمة
الصفحة الرئيسية

آخر الأخبار

 
   حوارات  

لمياء عبد الحميد لبوابة العاصمة: سر الفوازير مع والدي.. ونفسى برامجى كل الناس تتابعها


اضيف بتاريخ : 30/05/2017 الساعة : 4:14:43

الإعلامية لمياء عبد الحميد

حوار: سارة جمال


والدي توفى وأنا عندي 13 سنة والحياة بعد ماما ملهاش معنى


بابا كان بيقضى رمضان فى بلاتوهات التليفزيون مع الفوزاير


نيلى زعلت منى لما قولت عليها فنانه


بابا لما كان بيوحشنا كنا بنروحله التليفزيون


أول تكريم ليا كان من 8 سنين على برنامج كلام من القلب


بتمنى برنامجي تتفرج عليه كل الناس زي الفوازير



الجمال، البشاشة، الهدوء، التميز،.. كل هذه الصفات تجدها مجتمعة في الإعلامية المتألقة لمياء فهمي عبد الحميد، التي اشتهرت بتقديم العديد من البرامج الاجتماعية منها "كلام من القلب" على دريم، و"الدين والحياة" على قناة الحياة، وأخيراً "بكره أحلى" على قناة النهار.


وفي شهر رمضان الكريم التقينا مع "لمياء عبد الحميد"، نسترجع معها شريط ذكرياتها مع والدها مخرج الفوازير الراحل فهمي عبد الحميد، وكواليسه في بلاتوهات التلفزيون، وتحدثت معنا لمياء كعادتها من القلب عن برنامجها الجديد في النهار، والتكريم الذي حصلت عليه مؤخراً عن برامجها التي تعد نموذجاً للإعلام الإيجابي وبالرغم من النقلات السعيدة في حياة لمياء إلا إن حديثها كان ممزوجاً بالدموع حزناً على فراق أعز الحبايب لديها جدتها ثم والدتها وأكدت أنه لا يوجد شيء في الدنيا أصعب من فراق الأم.


مع قدوم الشهر الكريم ما أكثر الأمور التي تتذكريها للمخرج الراحل فهمي عبد الحميد؟

الفوازير وألف ليلة وليلة طبعاً، كنا نلاقي الشعب المصري في رمضان كله تقريباً منتظر ايه الجديد اللي هيقدمه فهمي عبد الحميد هذا العام، فرمضان بالنسبة لنا كان حالة كبيرة جداً، والدي توفى وأنا عندي 13 سنة، وربنا منحني في الفترة دي ذاكرة قوية تفتكر كل الأحداث بكل تفاصيلها، وفاكرة كويس أن بابا مش دايماً كان بيكون معانا في أول يوم رمضان، ولما كان بيفطر معانا كان بيجي بعد المغرب بكتير، وكان بيكون جعان نوم مش أكل، وكان مجرد وجوده معانا في البيت حتى وهو نايم بيفرق معانا كتير جداً. بابا وفريق العمل معاه بيبذلوا مجهود كبير جداً في رمضان ويفضلوا شغالين حتى لبعد المغرب، وأحياناً كان فيه حلقات بتخلص قبل أذان المغرب بنص ساعة.


كان بيوحشكم من انشغاله المستمر وغيابه لفترات طويلة عنكم ؟

أنا وأخواتي وائل ومحمد كنا طول الوقت معاه في البلاتوه، ولما كان يوحشنا كنا بنروحله، لكن ماما وجدتي هما اللي كانوا مش بيشفوه كتير، وكنا مقدرين طبعاً مجهوده وانشغاله.


إيه أكتر الأعمال اللي بتحبيها لفهمي عبد الحميد ومش بتنسيها؟

والله كلهم، كل فزورة لها ذكرى جوايا، كل نجم أو نجمة قدمت الفوازير لهم بصمه وذكريات معايا، و طبعاً الجميلة نيللي، وهي زعلت قبل كده لما قولت مرة في إحدى البرامج الفنانة نيللي كلمتني وقالتلي " يا لمياء ماتقوليش الفنانة دي معناها إني بعيدة عنك" واحنا على طول على اتصال ببعض ولو مش بالتليفون يبقى على الواتس.




ذكرتِ إنك كنتِ بتروحي لوالدك أثناء التصوير ايه أكتر ذكرياتك معاه في البلاتوه؟

كان بيكون مشغول بيا جداً، وطول الوقت عينه عليا أنا قاعده مع مين وبعمل إيه، وكان مشفق عليا وبيقولي روحي كفاية كده، وهما بداخل البلاتوه مش عارفين الليل من النهار كانوا في عالم تاني. والناس اللي شغاله معاه كانوا بيقوليلي : "مدام لمياء موجودة النهاردة مع الحاج فهمي يبقى النهاردة فيه عيد" لأن بابا كان بيكون مبسوط جدا من وجودي معاه، وكنت أروح البيت اقلد الحركات والاستعراضات خاصة شريهان علشان كنت كبرت شوية، وكان بابا يقف مع نيللي يقولها شوفي لمياء بتقلدك ازاي، ولما اروح البيت احكي لماما شوفي يا ماما نيللي عملت ايه النهاردة واقعد اقلدها.


في رأيك ما سر نجاح فهمي عبد الحميد في الفوازير؟

سر الفوازير معاه، ولو الفوازير اتعملت النهاردة محدش هيتشد لها بنفس الرونق بتاع الزمان.


عندك ميول تمثيلية؟

إلى حد ما، وده كان في فترة معينة في حياتي، وهي الفترة اللي الواحد فيها محتار مش عارف هو عايز يبقى ايه، وكل اللي كنت اعرفه إني كنت عاوزه أكون أمام الكاميرا.


لحد النهاردة لما بتتكلمي عن والدك الدموع بتظهر في عينيكي؟

ده حقيقي، شوفي أنا تلاته سابوا جوايا علامة في حياتي بابا. وجدتي. وماما الله يرحمهم جميعاً، وبابا توفى وأنا عندي 13 سنة واللي اتحملوا مسئوليتي جدتي وأمي، والإتنين توفوا مع بعض، علشان كده رمضان السنة دي صعب جدا.


الحياة بعد الأم صعبة ؟

مافيش معنى لأي حاجة



انتقلتي مؤخراً إلى قناة النهار لتقديم برنامجك الجديد بكره أحلى كلمينا عنه؟

بدأت في أول شهر 4 تقريباً، برنامج "بكره أحلى" كل خميس وجمعة، وفي رمضان موجودة من الأحد إلى الأربعاء، وهو برنامج ديني اجتماعي فيه فقرات كتير مختلفة، وفقرة بعنوان "تعظيم سلام"، وهي فقرة صوتية بنقول فيها تعظيم سلام لكل شخص ترك بصمة وعلامة في حياتنا مثل الشيخ الشعراوي، الشيخ النقشبندي، فؤاد المهندس، أبلة فضيلة، فهمي عبد الحميد، وفي مضان خصصنا فقرات للفتوى واستقبال أسئلة، وده مهم جداً مع الناس في مضان.




تم تكريمك مؤخراً من مهرجان المرأة والإبداع في دورته السادسة في شهر مارس الماضي تزامناً مع شهر المرأة المصرية وعيد الأم فما تعليقك؟

أول تكريم ليا كان من 8 سنين على برنامج كلام من القلب، قبل منها كنت في البيت عند ماما وعندنا حائط عليه جوائز بابا الله يرحمه، فسألت نفسي وقتها ممكن يجي عليا يوم اتكرم زي بابا، وما فيش بعدها جالي أول تكريم، وبكون سعيدة بكل تكريم في حياتي والحقيقة هي مسئولية كبيرة إني اتكرم بلقب معين، وبيكون كل همي اني احافظ على اللقب ده.


ما أكثر شيء تحرصين عليه في البرامج التي تقدميها؟

بحب أوي أقدم الحاجة اللي قريبة من الناس، اللي يفتح شاشة التلفزيون يحس إني قاعدة معاه في البيت وبندردش مع بعض، كل ما يخص البيت، والأسرة، والطفل بحب أتكلم فيه.


هل إنتي مصنفة كمذيعة برامج دينية؟

لا على الإطلاق، وأنا رافضة ذلك بشدة، أنا مذيعة أقدر أقدم كل أنواع البرامج.


ما هدفك خلال الفترة القادمة؟

بحلم بحاجة صعبة قوي، هي إني لما برنامجي يتذاع كل الناس تكون في بيوتها بتتفرج عليه زي أيام الفوازير.


تقولي ايه للناس في شهر رمضان ؟

كل سنة وأنتم بألف خير رمضان كريم عليكم، سامحوا بعض، رمضان شهر الرحمة والمغفرة وصلة الأرحام، واللي ما يستغلش نفحات رمضان يخرج خسران كتير.


لمياء عبد الحميد نيلى فوزاير رمضان حوار خاص بوابة العاصمة

  أهم الأخبار  

اليوم.. الحكم على «سليمان وزوجته» في التعد على «لواء التجمع»

53 سفينة عبرت المجرى الملاحي لقناة السويس خلال 24 ساعة

شيرين وأحمد سعد يستعدان لإحياء حفل رأس السنة بأحد فنادق القاهرة

اليوم.. «رياضة شمال سيناء» تختتم دورة شهداء قرية الروضة

إستونيا تستقبل أول دفعة لاجئين من إيطاليا لتوطينهم

وزير الطيران يغادر إلى موسكو للقاء مسئول النقل الروسي

 عدد المشاهدات: 3453

 تعليقات الفيس بوك

 

  • اقــــرأ أيــــضا
  • الأكثر قراءة

فيديوهات العاصمة






   

  فيديوهات العاصمة  

ads